Çfarë thotë Kur’ani për Ahiretin (Jetën tjetër)
Besimi në Ahiret (Jetën Tjetër) është një nga shtyllat më të rëndësishme të besimit islam. Kur’ani e përmend Ahiretin qindra herë, duke e bërë atë një realitet që e orienton njeriun drejt përgjegjësisë, moralit dhe drejtësisë. Përshkrimet e Kur’anit janë të qarta, të ndjera dhe të dizajnuara për t’i hapur njeriut sytë mbi fundin e tij dhe mbi Jetën e Përhershme.
Si e përshkruan Kur’ani Jetën Tjetër?
Kur’ani thotë se Ahireti është jeta e vërtetë
Kur’ani e quan jetën e përtejme jeta e vërtetë, ndërsa kjo botë është kalimtare: “Jeta e kësaj bote është vetëm lojë e dëfrim, ndërsa shtëpia e botës tjetër është jeta e vërtetë.” (Ankebut, 64)
Kjo tregon se Ahireti është realiteti përfundimtar, ndërsa kjo botë është provë.
Kur’ani flet për çastin e Ringjalljes që është fillimi i Ahiretit
Kur’ani e përshkruan momentin e ringjalljes si një ngjarje madhështore dhe tronditëse: Kur’ani thotë se Toka do të shkundet, malet do të jenë si lesh i shpupurisur, detet do të vlojnë, qielli do të çahet.
Në ajetet 1 dhe 2 të sures “Uakiah” thuhet: thuhet: “Kur të ndodhë Ngjarja (Ringjallja), ardhjen e saj askush nuk do ta mohojë”
Ndërsa në ajetet 7 dhe 8 të sures “Kamer” Allahu thotë: “Të gjithë do të dalin nga varret e tyre, sikur po shpejtojnë drejt një thirrësi.”
Kur’ani na thotë se në Ahiret njerëzit do të mblidhen para Allahut Të gjithë njerëzit në Ahiret, pa përjashtim, do të mblidhen. Në ajetin 47 të sures “Kehf” Allahu thotë:“Dhe Ditën kur Ne do t’i tubojmë të gjithë krijesat…”
Asnjë fshehtësi nuk mbetet e padeklaruar. Çdo vepër, edhe më e vogla, do të dalë para syve. Në ajetin 7 dhe 8 të sures “Zelzeleh Allahu thotë: “Kush bën sa një grimcë të mirë, do ta shohë atë; dhe kush bën sa një grimcë të keqe, do ta shohë atë.”
Kur’ani tregon se njeriu në Ahiret do të marrë librin e veprave.
Punëmirët, të djathtët dhe të drejtët do ta marrin librin nga e djathta. Në ajetin 19 të sures “Hakka” thuhet: “Kush i jepet libri i tij në të djathtë, do të jetë i gëzuar.”
Kurse punëkëqijtë dhe të padrejtët do e marrin librin në të majtë apo pas shpine. Në ajetin 25 të po kësaj sureje Allahu thotë: “Kush i jepet në të majtë, do të thotë: ‘Ah sikur të mos më ishte dhënë libri!’”
Kur’ani na thotë se në Ahiret do ketë Llogari
Ky është momenti i drejtësisë hyjnore. Allahu nuk i bën askujt padrejtësi. Asnjë vepër nuk humbet. Pendimi dhe mëshira e Tij marrin peshë. Në ajetin 19 të sures “Ali Imran” thuhet: “Allahu është llogaritar i shpejtë.”
Kur’ani na thotë se në Ahiret ka Xhennet dhe Xhehennem. Xheneti është shpërblimi i të devotshmëve.
Kur’ani përshkruan Xhennetin me gjuhë të butë, të paimagjinueshme për zemrat njerëzore: kopshte me lumenj që rrjedhin, paqe dhe siguri absolute, gëzime shpirtërore, afërsi ndaj Allahut, shoqëria e profetëve dhe njerëzve të mirë.
Në ajetin 71 të sures “Zukhruf” Allahu i MAdhëruar thotë: “Në të ka çfarëdo që dëshiron shpirti dhe që e gëzon syrin.”
Ndërsa në ajetin 25 të sures “Bekare” Allahu thotë: “Për besimtarët janë kopshtet e përhershme nën të cilat rrjedhin lumenj.”
Thelbi nuk është vetëm kënaqësia materiale, por kënaqësia shpirtërore, lumturia dhe takimi me Zotin.
Xhehennemi është paralajmërimi dhe ndëshkimi për keqbërësit
Kur’ani nuk e fsheh fatin e atyre që zgjedhin padrejtësinë, mohimin dhe mëkatin pa pendim. Përshkrimet e Xhehennemit janë të fuqishme, si Zjarri përvëlues, dëshpërim, humbje e madhe, largim nga mëshira e Allahut.
Në ajetin 206 të sures “Bekare” Allahu thotë: “Me të vërtetë, zjarri i Xhehennemit është vendbanimi i tyre.”
Kurse në ajetin 56 të sures “Nisa” Allahu i Madhëruar thotë “Lëkura do t’u digjet, e Ne do t’u japim lëkurë tjetër që të shijojnë dënimin.”
Qëllimi i përshkrimeve të tilla është qortimi, jo tmerrimi, dhe kthimi i njeriut në udhë të drejtë.
Në Ahiret mbizotëron drejtësia absolute e Allahut
Kur’ani nënvizon se çdo shpërblim dhe dënim është i bazuar në: drejtësi të përkryer, dije të plotë, mëshirë të pakufi.
Në ajetin 40 të sures “Nisa” thuhet: “Allahu nuk i bën asnjë padrejtësi asnjë krijese.”
Së fundmi themi se sipas Kur’anit të Shenjtë Ahireti nuk është mit, nuk është trillim, por është realitet, është qëllimi përfundimtar i udhëtimit të njeriut.
Përshkrimi i Ahiretit në Kur’an shërben si kujtesë që të jetojmë me përgjegjësi, të bëjmë vepra të mira, të largohemi nga padrejtësia, të jemi të vetëdijshëm se gjendja e përhershme varet nga zgjedhjet tona në këtë botë.
Ahireti e bën njeriun të ndërgjegjshëm se jeta nuk mbaron me varrin, por vazhdon me një realitet shumë më të gjerë dhe më të qëndrueshëm.
