Në ajetin 36 të sures “Teube”Allahu i Madhëruar thotë: “إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا” “Vërtet, numri i muajve tek Allahu është dymbëdhjetë…” Prej muajve hënor është edhe muaji i begatë i Ramazanit. Sipas kalendarit islam, muaji i Ramazanit është muaji i nëntë prej muajve hënor. Muaji i begatë i Ramazanit gëzon një pozitë të lartë dhe madhështore në fenë e drejtë islame dhe në sheriatin e pastër islam. Allahu i Madhëruar e përmend muajin e Ramazanit në Librin e Tij epokbërës, Kur’ani i Shenjtë, pikërisht në ajetin 185 të sures Bekare,  dhe nuk ka përmend asnjë muaj tjetër përveç muajit të Ramazanit. Kjo na sqaron pozitë e lartë që ka muaji i Ramazanit te Allahu i Madhëruar. Shumë njerëz pyesin: Çfarë është muaji i Ramazanit? Përgjigjen e kësaj pyetjeje na e sqaron vula e profetëve dhe i të dërguarve, i dashuri i zemrave tona, Profeti Muhamed (Paqja e bekimet e Allahut qofshin mbi të dhe mbi familjen e tij!), i cili në thënie të ndryshme na e sqaron se çfarë është muaji i Ramazanit. Thëniet e Profetit janë burimi I dytë pas Kur’anit të Shenjtë dhe Allahu na urdhëon që t’i zbatojmë ato që na thotë Profeti, siç thotë në suren Hashr, ajeti 7: وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا “…Çfarëdo që t’ju japë i Dërguari, merreni atë, e çfarëdo që t’ju ndalojë, hiqni dorë prej saj…” Në një prej haditheve të tij Profeti Muhamed (Paqja e bekimet e Allahut qofshin mbi të dhe mbi familjen e tij!) na e përshkruan muajin e begatë të Ramazanit dhe thotë: “Muaji i Ramazanit, në të cilin ka zbritur Kur’ani; është muaji i Allahut të Madhëruar e të Lartësuar; është muaj në të cilin Allahu i shumëfishon të mirat dhe i fshin të këqijat; është muaji i bereqetit; është muaji i faljes; është muaji i mëshirës; ​​ është muaji i pendimit; është muaji i kthimit te Allahu; është muaji i leximit të Kur’anit; është muaji i kërkimit të faljes; është muaji i agjërimit; është muaji i lutjes; është muaji i adhurimit; është muaji i bindjes dhe i përuljes; është muaji i shpëtimit nga Xhehenemi dhe i fitimit të Xhenetit; më pas Profeti Muhamed (s) na urdhëron e na thotë: Në të (në muajin e Ramazanit), largohuni nga çdo gjë e ndaluar; lexoni sa më shumë Kur’an; kërkojini Atij në këtë muaj nevojat tuaja dhe merruni në këtë muaj me përmendjen e Zotit tuaj! Muajin e Ramazanit mos jetë tek ju si muajt e tjerë sepse ai ka shenjtëri dhe përparësi te Allahu ndaj të gjithë muajve të tjerë. Dita e agjërimit tuaj në muajin e Ramazanit mos të jetë si dita kur nuk jeni të agjërueshëm.” Burimi: Biharul Anuar, vëll 96, f. 340. Fadailu Esh’huri thelatheti E mbyll këtë temë me thënien e Profetit Muhamed (s) i cili thotë për mirësitë e muajt të Ramazanit: Profeti Muhamed (Paqja dhe bekimet e Allahut qofshin mbi të dhe mbi familjen e tij!) ka thënë: “Sikur robi ta dijë se çfarë përmban muaji i Ramazanit, do të uronte që i gjithë viti të ishte Ramazan.” (Biharul Anuar: vëll. 93, f. 346.) https://youtu.be/XDRwXrXUvss